Ish-hetuesi policor tash me profesion avokat, Naim Rudari, ka thënë se Serbia po mundohet ta përdorë politikisht çështjen e Faton Hajrizit, i cili dyshohet se është vrarë në Serbi.
Rudari në “Five” tha se institucionet e Kosovës duhet të aktivizohen që ta kthejnë trupin e tij në Kosovë.
Sipas tij, Serbia do ta përdorë në Këshillin e Sigurimit rastin e Faton Hajrizit.
“Serbia mundohet kinse është duke bërë hetime, kinse cfarë ka ndodhur, e kanë quajtur akt terrorist, mundohen ta lidhin me luftën, e lidhin me ata që janë në Hagë. Mundohen që me këtë cështje ta krahasojnë me Banjskën, dhe këtë cështje do ta përdorin në Këshillin e Sigurimit, vetëm për këtë arsye e vonojnë kufomën. Institucionet duhet ta ndihmojnë familjen për ta sjellë kufomën”, tha ai.