Ka vdekur 16-vjeçari i cili ishte plagosur nga familjari i tij, pjesëtar i policisë, F.H në Dubravë të Istogut.
Këtë e ka konfirmuar për Portalin Dukagjini, zëdhënësi i Prokurorisë Themelore në Pejë, Shkodran Nikçi.
“Ka ndërruar jetë viktima. Prokurori i Shtetit ka urdhëruar të bëhet obduksioni”, tha Nikçi.
Polici i suspenduar, i dyshuar për plagosjen e të miturit në Istog, dyshohet se veprën penale e kreu teksa ishte në uniformë zyrtare, duke u bërë gati për të filluar orarin e punës.
F. H. dyshohet se më datë 15.07.2024 në 23:35h ka shkrepur armën zyrtare, e cila e ka goditur në kokë viktimën, familjarin e tij të mitur 16-vjeçar.
Për këtë veprim, ai tashmë po dyshohet për kryerje të veprës penale vrasje e rëndë në tentativë.