Pasi u përfol se Barcelona është shumë afër arritjes së një marrëveshjeje me futbollistin profesionist spanjoll, Pablo Gavira i njohur si Gavi, i pari i Barcelonës e ka konfirmuar se kontrata e re është pothuajse e kompletuar.
Këtë superlajm, e ka bërë të ditur gazetari italian, Fabrizio Romano, i cili ka shkruar në rrjete sociale.
Presidenti i Barcelonës, Joan Laporta e ka konfirmuar duke thënë se “Kontrata e re e Gavi është në prag të përfundimit – jemi në fazën përfundimtare”.
Sipas tij, tashmë katalunasit janë duke përgatitur të gjitha dokumentet që të nënshkruhen së shpejti.
Mëngjesin e së enjtes të 16 qershorit, Barcelona ishte afër arritjes së marrëveshjes me Gavin për kontratën e re në Camp Nou.
Spanjollit thuhet se i është ofruar një marrëveshje e ngjashme me atë që Ronald Araujo nënshkroi kohët e fundit në Camp Nou, dhe që mendohet të jetë një shkallë më të ulët se Pedri dhe Ansu Fati.
Barcelona president Joan Laporta confirms: “Gavi’s new contract is on the verge of being completed – we are at final stages”. 🚨🇪🇸 #FCB
Barça are already preparing all the paperworks to be signed soon. pic.twitter.com/A81YJ2SCVT
— Fabrizio Romano (@FabrizioRomano) June 16, 2022