Kryeministri i Kosovës, Albin Kurti, ka bërë të ditur se gjatë javëve në vijim Ministria e Ekonomisë dhe Fondi Kosovar për Efiçiencë të Energjisë do të hapin thirrje për subvencione direkte për të ndihmuar familjet që të investojnë në ngritje të efiçiencës së energjisë në shtëpitë e banesat e tyre.
Kurti, përmes një videoje në Facebook, ka thënë se përmes këtyre masave synon të përkrahë 1 mijë e 300 familje për të bërë investime të cilat rrisin efiçiencën energjetike të shtëpive dhe 5 mijë familje për të blerë pajisje efiçiente për ngrohje.
“Të dashur qytetarë të Republikës së Kosovës, gjatë javëve në vijim, Ministria e Ekonomisë dhe Fondi Kosovar për Efiçiencë të Energjisë do të hapin thirrje për subvencione direkte për të ndihmuar familjet që të investojnë në ngritje të efiçiencës së energjisë në shtëpitë e banesat e tyre”, ka shkruar Kurti në Facebook.