Sot është hapur thirrja publike “Zbatimi i masave të efiçiencës së energjisë për shtëpitë individuale të banimit”.
Me këtë rast, kryeministri i Kosovës, Albin Kurti, u ka bërë thirrje qytetarëve që të aplikojnë sa më parë për subvencionimin për efiçiencë të energjisë.
Kurti ka thënë se ky aplikim do të zgjasë dy javë.
“Sapo u hap afati për aplikim për subvencionimin për efiçiencë të energjisë për shtëpitë tuaja e që do të zgjasë dy javë. Thirrja e kaluar, e cila njëjtë si kësaj here ishte përkrahur edhe nga Bashkimi Evropian, u mbyll para afatit për shkak të interesimit të lartë. Prandaj aplikoni sa më parë, që të mund të siguroheni që përfitoni nga ajo”, ka shkruar Kurti.
Në lansimin e kësaj thirrjeje, dje Kurti ka deklaruar se “kush aplikon i pari, shërbehet i pari”.