I dërguari special i BE-së për dialogun Kosovë-Serbi, Miroslav Lajçak ka njoftuar se ka takuar presidentin e Serbisë, Aleksandër Vuqiq me të cilin kanë diskutuar në lidhje me pritjet dhe hapat e ardhshëm në dialog.
“Ne diskutuam gjithashtu Planin e Rritjes dhe nevojën urgjente që Kosova dhe Serbia të bëjnë përparim në normalizim”- ka shkruar Lajçak në rrjetin social “X”.
On day 2️⃣ at @GLOBSEC, I spoke with @predsednikrs @avucic about expectations and next steps in the Dialogue. We also discussed the Growth Plan and the urgent need for Kosovo and Serbia to make progress on normalisation. This is essential for advancing towards
integration. pic.twitter.com/IiGaArKRn8
— Miroslav Lajčák (@MiroslavLajcak) August 31, 2024
Lajçak shtoi se normalizimi i raporteve Kosovë – Serbi është një çështje thelbësore për avancim drejt integrimit.
Takimi mes Lajçak dhe Vuçiq u bë në ditën e dytë në Pragë, ku po zhvillon punimet forumi i sigurisë, GLOBSEC.
Vuçiq, kërkoi nga Bashkimi Evropian një reagim “konkret dhe të qartë” për, siç tha, “mbrojtjen e serbëve në Kosovë”.
Përmes një postimi në Instagram, Vuçiq tha se ka pasur një bisedë të hapur dhe të sinqertë me Lajçakun.
Ai tha se ia ka përcjellë atij “shqetësimin e jashtëzakonshëm për dhunën e fundit në Kosovë, për shkeljen e përsëritur të të drejtave të njeriut dhe për rrezikimin e sigurisë së popullatës serbe nga lëvizjet arrogante dhe ilegale të Kosovës”.
Ai tha se pret reagim nga BE-ja dhe “jo vetëm dënimin e veprimeve të tilla”.
“Serbia mbetet partnere e përgjegjshme e BE-së në procesin e normalizimit të marrëdhënieve me Prishtinën, por do t’i përdorë të gjitha mjetet diplomatike në dispozicion, për të mos lejuar terrorin kundër popullit të saj”, ka deklaruar Vuçiq.
Lexo edhe: Policia me aksion në veri, mbyllen 5 komuna paralele