Policia e Kosovës ka njoftuar se është duke i hetuar tri raste të ndara të vdekjes në rajonin e Prishtinës.
Fillimisht, një person nga Lipjani ka raportuar në Policinë e Kosovës se e ka gjetur prindin në tavanin e shtëpisë pa shenja jete.
Në vendin e ngjarjes kanë dalë ekipet mjekësore dhe kanë konstatuar vdekjen e viktimës.
- Lipjan 17.09.2024-NN. Ankuesi mashkull kosovar ka raportuar se në tavanin e shtëpisë ka gjetur pa shenja jete prindin e tij viktimën mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë dërgohet në IML për obduksion”, thuhet në raportin ditor të Policisë së Kosovës.
Po ashtu, edhe një rast tjetër i hetim i vdekjes ka ndodhur në Lipjan, ku është gjetur pa shenja jete një burrë, ku në vendin e ngjarjes kanë dalë ekipet mjekësore dhe kanë konstatuar vdekjen e viktimës.
- Lipjan 17.09.2024-07:55. Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim te prokurorit, trupi i pajetë dërgohet në IML për obduksion”, thuhet në raportin e PK-së.
Ndërsa, në Prishtinë është gjetur pa shenja jete një grua në banesën e saj.
- Prishtinë, 1709.2024-21:45. Viktima femër kosovar është gjetur pa shenja jete në banesën e saj. Në vendin e ngjarjes kanë dalë njësitë përkatëse policore, ndërsa ekipi mjekësor e ka konstatuar vdekjen e saj. Me vendim të prokurorit kujdestar, trupi i pajetë dërgohet në IML për obduksion”, vijon raporti.