Kryeministri i Kosovës, Albin Kurti dhe Ministri i Mbrojtjes, Ejup Maqedonci kanë udhëtuar për në Varshavë të Polonisë. Ata do të marrin pjesë në Forumin e Varshavës për Siguri 2024 [WSF 2024].
Zyra e Kryeministrit ka njoftuar se Kurti do të mbajë një fjalim mbi temën ““Fokusohuni në Ballkanin Perëndimor: lidhja e Gjeopolitikës dhe Integrimit Evropian”.
Tutje në njoftim thuhet se do të zhvillohen edhe takime biletarale.
“Nga Shtetet e Bashkuara të Amerikës, Kryeministri i Republikës së Kosovës, Albin Kurti ka udhëtuar për në Varshavë të Polonisë, ku së bashku me ministrin e Mbrojtjes, Ejup Maqedonci do të marrë pjesë në Forumin e Varshavës për Sigurisë 2024 (WSF 2024).
Në kuadër të Forumit, kryeministri Kurti sot do të mbajë një fjalim mbi temën “Fokusohuni në Ballkanin Perëndimor: lidhja e Gjeopolitikës dhe Integrimit Evropian”. Gjatë qëndrimit në Varshavë dhe pjesëmarrjes në Forum, ai do të zhvillojë takime bilaterale, si dhe do të mirëpritet nga pjesëtarë të mërgatës sonë në Poloni”, ka njoftuar Zyra e Kryeministrit.