Dogana e Kosovës ka kryer kontrollin e dy subjekteve afariste (barnatore) në qytetin e Ferizajt, ku janë gjetur mallra të kontrabanduara.
Gjatë këtij operacioni, janë zbuluar 436 pako barna pa banderola të Republikës së Kosovës.
Disa prej tyre mbanin banderolla të Serbisë dhe të vendeve të tjera.
Vlera totale e këtyre produkteve të kontrabanduara kap shifrën e rreth 4,000 eurove.
Të gjitha mallrat janë sekuestruar dhe janë dorëzuar në terminalin doganor për procedura të mëtejshme.
Sipas njoftimit të Doganës së Kosovës, rasti po trajtohet nga njësitet doganore për hetime të mëtejshme.