Ambasada amerikane në Prishtinë ka reaguar pas arritjes së marrëveshjes në mes të Kosovës dhe Serbisë për energjinë.
Përmes një postimi në Twitter, Ambasada ka kërkuar nga të dyja vendet që të vazhdojnë angazhimin urgjent në dialogun e lehtësuar nga Bashkimi Evropian.
“SHBA u kërkon të dyja vendeve që të vazhdojnë të ndërtojnë këtë sukses, përmes angazhimit urgjent dhe të hapur në dialogun e lehtësuar nga BE”, thuhet në reagimin e Ambasadës.
Kosova e Serbia me ndërmjetësimin e Brukselit kanë arritur të nënshkruajnë të martën marrëveshjen për energjinë, e cila parasheh faturimin e energjisë elektrike për komunat veriore të Kosovës.
Today's energy roadmap agreement is proof that when Kosovo & Serbia engage with creativity & flexibility, citizens in both countries benefit. The U.S. urges both countries to continue to build on this success through urgent, open engagement in the EU-facilitated Dialogue.
— U.S. Embassy Pristina (@USEmbPristina) June 21, 2022