Arben Krasniqi është emëruar në pozitën e sekretarit të Zyrës së Kryeministrit. Kjo u bë e ditur sot nga mbledhja e Qeverisë.
Krasniqi e ushtronte pozitën e sekretarit në Kryeministri si ushtrues detyre që nga viti 2021.
Ai e pati zëvendësuar Fitim Krasniqin, të cilit nuk iu vazhdua mandati kur erdhi Qeveria Kurti. Krasniqi kishte punuar për 15 vjet si sekretar në Zyrën e Kryeministrisë.
Në mbledhjen e Qeverisë së Kosovës është miratuar projektligji për “Lojërat Mesdhetare Prishtina 2030”.
Zëvendësministrja e Kulturës, Rinisë dhe Sportit, Daulina Osmani në fjalimin e saj të mbledhjes së Qeverisë ka thënë se me miratimi e këtij projektligjit Lojërat Mesdhetare shpallen çështje me interes të veçantë për Kosovën, duke reflektuar rëndësinë strategjike.
“Sot Ministria e Kulturës, Rinisë dhe Sportit paraqet për shqyrtim projektligjin për “Lojërat Mesdhetare Prishtina 2030”, dokument ky që krijon bazën ligjore dhe kushtet e nevojshme për organizimin efikas dhe të suksesshëm të kësaj ngjarje madhore sportive, hartimi i këtij projektligjit është rezultat i thellë i analizës duke përfshirë shqyrtimin e kornizës ligjore dhe vendore dhe praktikave ndërkombëtare të organizimit të ngjarjeve multisportive…Me miratmin e këtij projketligjit Lojërat Mesdhetare shpallen çështje me interes të veçant për Republikën e Kosovës duke reflektuar rëndësinë strategjike që ky projket ka për vendin tonë. Ky ligj themelon komitetin organizativ të Lojërave Mesdhetare 2030, komiteti organizativ do të udhëhiqet nga një bord i cili përbëhet nga Kryeministri i Kosovës si kryesues, ministrat nga Ministria përgjegjëse për sport, Ministria përgjegjëse për financa, ministria përgjegjëse për infrastrukturë dhe ministria përgjegjëse për administrimin e pushtetit lokal”, deklaroi Osmani në mbledhjen e Qeverisë.