Juristi Shkëlzen Sopjani ka paralajmëruar shtim të incidenteve në veri të Kosovës me nisjen e fushatës zgjedhore nga partitë politike në vend, duke përfshirë sulme sporadike si hedhja e dy granatave dore në oborrin e stacionit policor në Zveçan mbrëmjen e së martës.
Ai ka theksuar se këto sulme janë paralajmërim dhe përshkallëzim serioz, duke sugjeruar që institucionet të shmangin përurimet e stacioneve të reja në këtë fazë dhe të fokusohen në mirëmbajtjen e sigurisë në terren.
“Granatat kenë prodhim serb, njihen që kanë një fuqi të madh. Por, kjo ndërlidhet me përurimin e stacionit të ri. Dhe unë besoj që tash veç kur kemi hyrë në fushatë të zgjedhjeve, besoj që do të intensifikohen veprimet edhe nga ana e Qeverisë në përurim të stacioneve edhe nënstacioneve në veri. Por edhe kundër reagimet nga ana tjetër me sulme kështu sporadike apo të izoluara. Sepse nuk mendoj që do të kemi ndonjë kundër reagim i përmasave më të gjëra që do të mund të dilte situata jashtë kontrolli. Por do të kemi shtim të këtyre incidenteve të izoluara edhe pse mos të harrojmë që sulmi i fundit ke incidenti më serioz në muajt e fundit. Këtë e pash si përshkallëzim dhe tërheqje e vërejtjes nga ana e tyre”, ka deklaruar ai në emisionin FIVE në RTV Dukagjini.
“Institucionet tona duhet të ndërrojnë qasjen, nuk kemi nevojë të bëjmë përurime të stacioneve të paktën në këtë fazë. Sepse policia ka kryer një punë të jashtëzakonshëm edhe puna policore veçse e ka mbërri kulmin e efektit në terren kjo vetëm duhet të mirëmbahet”, ka shtuar Sopjani përcjell Dukagjini.