Granit Xhaka do të largohet përfundimisht nga skuadra e Arsenal këtë verë.
Mesfushori me origjinë shqiptare do t’i jap fund karrierës në “Emirates” këtë verë.
Me topçinjtë, Xhaka ishte bashkuar gjatë verës së vitit 2016, dhe pas gjashtë viteve ai po kërkon një aventurë tjetër.
Me londinezët, 29-vjeçari ka zhvilluar në total 248 ndeshje, ku ka shënuar 14 gola, ka dhuruar 22 asistime dhe ka fituar katër trofe.
Tani, ai duket se do të kaloj në Serie A.
Verën e vitit të kaluar, Xhaka ishte shumë afër t’i bashkohej Romës por gjithçka dështoi në momentet e fundit, mirëpo interesi i skuadrës së Jose Mourinho ende nuk ka vdekur dhe ata janë shumë të interesuar për Xhakën.
Sipas raportimeve, për Xhakën interes kanë shfaqur edhe skuadra si Udinese dhe Fiorentina.
Me shumë mundësi, e ardhmja e 29-vjeçarit do të jetë me një nga skuadrat e elitës së futbollit Italian.
Serie A mund të jetë liga e tretë e madhe për Xhakën, pas Bundesligës dhe Premier Ligës.