Abdixhiku në Gjakovë: Zgjedhjet e 9 shkurtit përcaktojnë jo vetëm kryeministrin, por fatin e Kosovës

Kreu i LDK-së, Lumir Abdixhiku nga Gjakova ka deklaruar se zgjedhjet e 9 shkurtit do të përcaktojnë fatin e Kosovës, ndërsa ka prezantuar ekipin e LDK-së si forcën e ndryshimit për zhvillim dhe integrim euroatlantik.

Kreu i LDK-së, Lumir Abdixhiku.

Lidhja Demokratike e Kosovës (LDK), ka vazhduar me aktivitetet e saj elektorale në kuadër të “Turneut të Ndryshimit”, duke mbajtur një tubim madhështor në Gjakovë.

Kryetari i partisë, Lumir Abdixhiku, ka theksuar rëndësinë e zgjedhjeve të 9 shkurtit, duke deklaruar se ato nuk përcaktojnë vetëm kryeministrin e ardhshëm, por edhe fatin e Kosovës.

Abdixhiku prezantoi listën e kandidatëve të LDK-së, duke e cilësuar si ekipin më të mirë për të udhëhequr vendin drejt zhvillimit ekonomik dhe anëtarësimit në institucionet euroatlantike.

“Në këtë ditë të madhe të publikimit të listës fituese të LDK-së, s’kishim si ta përmbyllnim më mirë sesa me këtë organizim madhështor në Gjakovë. Në brohoritjet dhe duartrokitjet e qytetarëve, pamë momentumin e rikthimit të madh të LDK-së në gjithë Kosovën”, ka deklaruar Abdixhiku.

Ai ka vlerësuar angazhimin e kryetarit të degës në Gjakovë, Shefqet Shehu, dhe kandidatëve të tjerë si Zef Morina, Sevdije Lama, Valon Bellanica dhe Muharrem Kurti.

Sipas Abdixhikut, ekipi i LDK-së përbëhet nga njerëz të përgatitur dhe të ndershëm, të cilët do të sjellin ndryshimin e madh që qytetarët e kërkojnë.

“Bashkë me ju, ne do ta ndërtojmë të ardhmen dhe do të bëhemi ndryshimi i madh për Kosovën,” përfundoi Abdixhiku.

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika