Protestës së paralajmëruar në veri të vendit, në kundërshtim të marrëveshjes për energji në mes të Kosovës dhe Serbisë, iu kanë përgjigjur një numër i vogël qytetarësh.
Siç shihet nga pamjet e fotove, janë vetëm dhjetëra persona që po protestojnë.
Ndërkaq, në qytet vërehen shumë qytetarë por që nuk po marrin pjesë në protestë.
Më 21 qershor, Kosova dhe Serbia kanë nënshkruar një marrëveshje që do të mundësonte faturimin e qytetarëve të veriut, të cilët nuk kanë paguar rrymë mbi 20 vite.
Faturimin e rrymës pritet ta bëjë, kompania serbe, Elektrosever.
Protesta ishte e qetë dhe ka përfunduar pa incidente.