Të dielën e 26-të qershorit ekipet e shpëtimit kanë evakuuar nga maja e thepisur e Zhaporrës në Valbonë në lartësi mbi detare 2328 metra, bashkëshortët alpinistë.
Çifti në fjalë ka qenë duke eksploruar zonën, por terreni i thepisur ka prishur aventurën e tyre, teksa njëri për momentin nuk është në gjendje të lëvizë, raporton TCh, përcjell Portali Dukagjini.
Drejt zonës u nisën policët dhe ekipi mjekësor, po për shkak të terrenit të vështirë dhe të thepisur dhe të largësisë së turistëve nga zona që mund të përshkohet me automjete, u kërkua ndërhyrja e helikopterit.
Pas njoftimit të marrë, helikopteri tip EC 135 ka evakuuar nga maja e Zhaporrës në zonën e Valbonës, në 2328 metra lartësi, alpinistët që ishin bllokuar në terrenin e thepisur.
Një prej alpinistëve ka një frakturë dhe po dërgohet për të marrë ndihmën shëndetësore.
Dy të dëmtuarit u transportuan me helikopter drejt Spitalit të Traumës në Tiranë, ndërsa 2 shtetasit e tjerë që po u vinin në ndihmë të dëmtuarve, ndodhen në gjendje të mirë shëndetësore.