Deputeti i zgjedhur nga radhët e Partisë Demokratike të Kosovës (PDK), Artan Behrami, ka reaguar ndaj kryeministrit në detyrë Albin Kurti përmes një postimi në rrjetet sociale, duke kërkuar dorëheqjen e tij dhe rikthimin në Kuvend si deputet.
Në të njëjtën kohë, Behrami ka publikuar edhe një video ku shihet mbrojtja e afërt e kryeministrit duke tentuar të ndezë njërën nga veturat që e përcjellin, e cila ishte e ndalur dhe nuk po funksiononte.
“As xhipat nuk po i funksionojnë më. Jep dorëheqje Albin, zbrit nga xhipat, hajde në Kuvend si deputet! Merri me vete 500K imagjinare dhe konstituoje Kuvendin. Por, me 53 vota mundesh me shku vetëm në opozitë! Nuk të shpëton as Presidentja, as Lista Serbe kësaj radhe”, ka shkruar Behrami në Facebook.