Kryeministri në detyrë i Kosovës, Albin Kurti, ka akuzuar opozitën për përpjekje që të bllokojë funksionimin e shtetit, pasi PDK, LDK dhe AAK votuan kundër raportit për verifikimin e mandateve si deputetë, kështu duke u pamundësuar konstituimi i Kuvendit.
Në mbledhjen e qeverisë, Kurti ka theksuar se këto veprime janë të papërgjegjshme dhe synojnë të lënë institucionet pa drejtim.
“Në thelb ata që nuk pranuar që formalisht ta marrin mandatin e deputetit, po kërkojnë nga unë që formalisht të mos jem kryeministër. Qeveria jonë, ky kabinet është në detyrë dhe efektivisht i dorëhequr që nga 23 marsi i këtij viti, kur edhe e kemi përmbushur mandatin e rregull të plotë katër vjeçar. Nga ajo ditë deri në zgjedhjen e qeverisë së re nga legjislatura e nëntë e Kuvendi të Kosovës, qeveria jonë ushtron të gjitha përgjegjësitë që i takojnë pushtetit ekzekutiv në përputhje me legjislacionin në fuqi”, ka thënë Kurti.
Kurti ka theksuar se që nga 23 marsi, kur ka përfunduar mandati i rregullt dhe i plotë 4-vjeçar i qeverisë së tij, është në detyrë si kryeministër i dorëhequr. Sipas tij, nga ajo datë, qeveria vazhdon të ushtrojë të gjitha kompetencat që i takojnë sipas Kushtetutës dhe Ligjit për Qeverinë, deri në formimin e ekzekutivit të ri.
Ai ka thënë se ka njoftuar Kuvendin përmes një letre për dorëheqjen dhe statusin e qeverisë pas asaj date
“Krahas përmbushjes së mandatit të plotë qeverisës deri në formimin e qeverisë së re unë ne emër të kabinetit qeveritar, dje i jam drejtuar kuvendit me një letër përmes së cilën e kam njoftuar për statusin e qeverisë sonë pas datës 23 mars 2025 dhe për dorëheqjen time. Veçse ekefektiv nga ajo datë dje sipas kushtetues dhe ligjeve në fuqi.
Më shumë se kaq nuk është e mundur që të jap dorëheqje më shumë se kaq do të ishte braktisje e institucionit. Do të ishte vakum institucional, papërgjegjësi politike dhe rrezikim i sigurisë kombëtare. Është kërkesë dhe insitim, thënë se buti i pamatur për të lënë shtëpinë pa zot shtëpie”, ka shtuar Kurti.
Ai përmendi se Ligji për Qeverinë, në nenet 30 dhe 31, që sipas tij, e përcakton qartë që qeveria në dorëheqje vazhdon të ushtrojë përgjegjësitë deri në zgjedhjen e qeverisë së re, edhe pse me kompetenca të kufizuara.
“Ligji për Qeverinë e bën të qartë, se një qeveri në dorëheqje vazhdon t’i ushtrojë përgjegjësitë e saj, neni 30. Ndonëse të kufizuara, neni 31, deri në zgjedhjen e qenërisë së re.
Mbledhja sot dhe ushtrimi i kompetencave të tjera qeveritare janë plotësisht të lejueshme e madje te detyrueshme sipas ligjit”, ka theksuar Kurti.
Kurti solli në kujtesë disa shembuj nga e kaluara për të mbështetur qëndrimin e tij.
Ai përmendi se ish-kryeministri Hashim Thaçi, megjithëse kishte dhënë betimin si deputet në korrik 2014, kishte vazhduar të ishte kryeministër në detyrë deri në dhjetor të atij viti. Po ashtu, Ramush Haradinaj kishte dhënë dorëheqje në korrik 2019, por qëndroi në detyrë deri në zgjedhjen e qeverisë Kurti I në shkurt 2020.
“Kemi funksione të kufizuara, por asesi nuk mund të ketë ndalim funksionimi. Shteti nuk mund të ketë vakum qeverisje, qeveria nuk mund të ketë ndalim funksionimi. E kemi shembullin e ish-kryeministri Thaçi që edhe pse kishte dhënë betimin në korrik 2024, kishte qenë në pozitë deri në dhjetor të atij viti. Haradinaj dha dorëheqje në korrik 2019, vazhdoi në detyrë deri në shkurt 2020 si në detyrë. Ish-kryeministri Hoti mbeti në detyrë deri në formimin e qeverisë, pavarësisht se qeveria e tij u shpall e jashtëligjshme nga Gjykata Kushtetutese”, ka thënë ndër të tjera Kurti.