Albert Krasniqi nga organizata Demokraci Plus [D+] dhe njohës i punës së Kuvendit, ka ngritur shqetësime për siç tha, ‘veprime arbitrare’ të udhëheqësit të seancës konstitutive, Avni Dehari, nga Vetëvendosje.
“Kryesuesi i seancës konstituive veproi në mënyrë arbitrare dhe në kundërshtim me obligimet kushtetuese duke e ndërprerë seancën pa lejuar zhvillimin e votimit”, ka shkruar Krasniqi.
“Votimi i deputetëve nuk mund të paragjykohet mbi bazën e deklarimeve në media”, shkruan Krasniqi.
Mosvazhdimin e seancës Krasniqi e quajti përpjekje të ‘qëllimtë për të bllokuar konstituimin e Kuvendit’.