Ndërtesa ikonike me fytyrën e Skënderbeut në Tiranë flitet se u ndërtua me xhamin e kompanise se njohur Kosovare!
Tiranë, prill 2025 – Një nga veprat më të spikatura arkitekturore në Tiranë dhe më e përfolura në media e rrjete sociale, ndërtesa me fytyrën e heroit kombëtar Gjergj Kastrioti Skënderbeu, është realizuar duke përdorur tërësisht xham të markës së njohur ndërkombëtare AGC, e mundësuar dhe furnizuar nga terminali i kompanisë Gitor Shpk, një prej liderëve në tregtinë e xhamit në Ballkan!
Kjo vepër monumentale, që tashmë ka marrë statusin e një simboli modern të kryeqytetit, përfaqëson një kombinim të jashtëzakonshëm të historisë shqiptare me teknologjinë bashkëkohore të ndërtimit. Fytyra e Skënderbeut, e përshkruar me mjeshtëri përmes paneleve të xhamit në fasadë, është bërë atraksion turistik dhe një pikë referimi për arkitekturën urbane shqiptare.
Sasia kualitative e xhamit e përdorur në këtë projekt është e prodhimit AGC Glass Europe, një nga prodhuesit më të mëdhenj të xhamit në botë, e njohur për cilësinë, transparencën dhe vetitë termo-izoluese të materialeve të saj. Furnizimi është mbështetur dhe menaxhuar nga terminali i AGC-së në Ballkan Gitor Shpk, kompani kjo me qendër në Kosovë, e cila ka sjellë përvojën e saj shumëvjeçare në projekte të mëdha në rajon.
Kompania Gitor Shpk është themeluar dhe menaxhohet nga biznesmeni Bledian Ramadani, i njohur për dominimin e tij në tregjet e xhamit në Evropën Juglindore dhe Qendrore.
Ndërtesa me fytyrën e Skënderbeut, e cila pritet të shërbejë si qendër multifunksionale për zyra dhe shërbime, jo vetëm që i jep një fytyrë të re Tiranës, por tregon edhe potencialin që kanë kompanitë shqiptare dhe kosovare në ndërtimin e projekteve me ndikim ndërkombëtar.