Presidentja e Kosovës, Vjosa Osmani, të enjten e 30 qershorit ka folur në lidhje me çështjen e Asociacionit të Komunave me shumicë serbe, duke thënë se Gjykata Kushtetuese e kishte ndalur asociacioni monoetnik.
Qëndrimi i saj për këtë çështje është i njëjti me atë të Gjykatës Kushtetuese, e cila kishte dhënë përgjigjen, dhe se “kushdo që dëshiron të dijë se cili është qëndrimi ynë, mjafton që të lexohet ai vendim (vendimi i Gjykatës Kushtetuese për asociacionin)”, ka thënë ajo në emisioni Interaktiv në KTV.
Osmani ka vazhduar që të komentojë dhe të shpërfaqë atë që shteti i Serbisë është duke bërë.
Përderisa Serbia është duke dhënë mbështetjen financiare për, “strukturat kriminale që janë të rrezikshme për shtetin e Kosovës dhe qytetarët serbë në veri”, detyrat e Kosovës janë që “t’i shpërfaqim veprimet destablizuese, por edhe mosveprimet e Serbisë në raport me zbatimin e marrëveshjeve, të arritura deri më tani.
Tutje, e para e vendit ka kërkuar ndihmën edhe nga qytetarët për siç ka thënë ajo, “që t’ia shpërfaqim fytyrën e vërtetë Serbisë”.