Paris Saint-Germain ka triumfuar bindshëm ndaj Real Madridit me rezultat 4:0 në gjysmëfinalen e Kupës së Botës për Klube, në një përballje të zhvilluar në “MetLife Stadium” të mërkurën mbrëma.
Parisi e nisi ndeshjen me një ritëm të lartë, duke shënuar dy gola brenda nëntë minutave të para, falë gabimeve të mbrojtjes madrilene.
Fabian Ruiz zhbllokoi rezultatin në minutën e gjashtë, ndërsa Ousmane Dembele dyfishoi shifrat në minutën e nëntë. Ruiz vulosi rezultatin me golin e tretë në minutën e 24-t.
Në fund të ndeshjes, në minutën e 87-të, Goncalo Ramos shënoi golin e katërt për PSG-në, duke vulosur fitoren e thellë të ekipit francez. Kjo humbje shënon edhe përfundimin e epokës së Luka Modriqit te Real Madrid.
Në finale, Paris Saint-Germain do të përballet me Chelsean në një duel që pritet të jetë spektakolar, i cili do të luhet të dielën në orën 21:00.