FC Prishtina vazhdon me përforcime, tani me brazilianin Marclei Santos

Klubi i futbollit FC Prishtina, po vazhdon të jetë aktive, pasi ka prezantuar edhe një tjetër përforcim. Bëhet fjalë për futbollistin brazilian, Marclei Cesar Chaves Santos, i cili ka nënshkruar kontratë një-vjeçare

FC Prishtina ka prezantuar transferimin e tretë brenda ditës së premte dhe të pestin në afatin kalimtar veror.

Sulmuesi brazilian, Marclei Cesar Chaves Santos, është  është bashkuar me skuadrën kryeqytetase duke nënshkruar kontratë një vjeçare me mundësi vazhdimi edhe për një vit tjetër.

33-vjeçari ka përvojë në futbollin kosovar, pasi më parë ka luajtur edhe për Feronikelin, Arbërinë dhe Ulpianën së fundmi.

Braziliani pas nënshkrimit të kontratës i ka dhënë deklaratat e para si futbollist i Prishtinës për faqen zyrtare të klubit.

Ai ka deklaruar se në klubin e Prishtinës është ftuar nga trajneri Ismet Munishi, dhe se herën e parë në stadiumin “Fadil Vokrri”, ka luajtur kundër Prishtinës, por ai ka thënë  se është mahnitur nga fusha.

“Te Prishtina më ka ftuar trajneri Ismet Munishi. Dua të them se jam shumë i lumtur që jam pjesë e këtij klubi të madh. Kur erdha në Kosovë dhe luajta kundër Prishtinës për herë të parë në atë stadium, u mahnita menjëherë”, ka deklaruar ai.

Ndërsa synimet me Prishtinën ai ka thënë se janë që të dërgojë sa më lartë  ekipin.

“Synimet me Prishtinën janë që ta dërgojmë sa më lartë ekipin, të shënoj sa më shumë gola në mënyrë që t’i arrijmë synimet që i kemi së bashku”, është shprehur Santos.

Gjithashtu, ai ka premtuar se do të bëjë më të mirënh në mënyrë që të festojë së bashku me lojtarët e klubit FC Prishtina, titullin e kampionit.

Santos ishte përforcimi më i bujshëm i skuadrës në elitën e futbollit kosovar, Ulpianës.

Nga braziliani, është shpërblyer Federata e Futbollit të Kosovës me çmimin “Ylli i Javës” së pestë në kampionatin elitar të Kosovës, në vitin 2021.

Shija e redaktorit

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Të fundit nga rubrika