Shtëpia botuese “Dukagjini” ka nisur shitjen e teksteve shkollore për vitin e ri akademik 2025/2026. Me pikat e saj në Prishtinë, që janë në Librarinë në shesh, tek Dukagjini Rezidence dhe në Prishtina Mall, e tashmë edhe me pikën më të re në Pejë.
Nga Libraria Dukagjini, tregojnë se procesi i përgatitjes së shitjes së librave ka filluar tashmë në të gjitha pikat.
“I kemi të ndara secilën me klasa, që me pas më të lehtë edhe mbledhjen e librave. Klasa 1 deri në 7 i kemi poshtë ndërsa 8 dhe 9 i kemi këtu, po jemi edhe ne stafi këtu të cilët jemi në dispozicionin e prindërve e fëmijëve të cilët vijnë për tu furnizuar këtu”, ka thënë Ernesa Spahija nga libraria Dukagjini.
E për pikën më të re në Pejë të Librarisë Dukagjini detaje dha Idea Peja.
“Nuk ka fillu ende ai fluksi i madh i njerëzve për këtë arsye i ftojmë prindërit që me ardh sa ma herët edhe me i shmang radhët e gjata që secili i kemi përjetu edhe e dimë se qysh shkojnë kështu që sot është veç dita e dytë edhe po po presim disa ditë ma intensive tash që po i presim për me ardh”, ka thënë Peja.
Pos këtyre pikave, qytetarët mund të furnizohen me libra edhe në pikën që është hapur përsëri në Dukagjini Residence në Prishtinë.
“Si cdo vit tjetër tash është viti i tretë rradhazi ku libraria Dukagjini hap pikat e shitjes vlen të cekën pikat e shitjes për gjithë shikuesit tuaj që i kemi këtë vit katër pika,është pika në Dukagjini Residence, pika në shesh, pika në Prishtina Mall e këtë vit risi është edhe pika më e re në Pejë ku pas teksteve shkollore do të hapet edhe pika me e re”, ka thënë Klarita Demiri.
Me traditë shumëvjeçare në botimin e librave, “Dukagjini” mbetet një nga emrat më të besuar për tekstet shkollore në vend, duke garantuar cilësi dhe qasje të lehtë për secilin nxënës, prindër e mësimdhënës.