Sabrina Carpenter ka publikuar videoklipin e ri për këngën “Tears”, ku shfaqet me çorape dhe të brendshme, duke kërcyer në një shtyllë dhe duke u zvarritur në katër këmbë, skena që kanë ngjallur diskutime pas kritikave për kopertinën “tepër seksuale” të albumit të saj të ardhshëm, Man’s Best Friend.
Në klip, ajo shfaqet në një pyll pas një aksidenti, përpara se të kthehet në një ambient sensual me veshje provokuese dhe tekst me përmbajtje erotike.
Kopertina e albumit, ku Sabrina paraqitet në katër këmbë ndërsa një figurë misterioze i tërheq flokët, ka shkaktuar reagime të forta, shkruan DailyMail.
Disa e cilësuan si “patetike” dhe “e pavend”, ndërsa të tjerë e mbrojtën, duke e quajtur “artistike” dhe “provokuese në mënyrë të qëllimshme”.
Pavarësisht polemikave, Sabrina po korr sukses. Kënga “Manchild”, e publikuar në qershor dhe shkruar bashkë me Jack Antonoff, u ngjit në vendin e parë në Spotify në SHBA dhe globalisht.
Albumi Man’s Best Friend, që publikohet një vit pas suksesit “Short n’ Sweet”, pritet me shumë interes.
“Short n’ Sweet” solli tre hite që arritën mbi një miliard dëgjime secila dhe i siguruan Carpenter gjashtë nominime për Grammy, ku ajo fitoi dy çmime: Albumi më i Mirë Vokal Pop dhe Performanca më e Mirë Solo Pop për “Espresso”./Telegrafi
