Një vajzë e mitur ka humbur jetën të dielën pas një aksidenti trafiku që ndodhi në fshatin Zabel i Ulët të Drenasit.
Zëdhënësja e Policisë për rajonin e Prishtinës, Flora Ahmeti, konfirmoi se aksidenti ndodhi rreth orës 17:00 dhe ishte i përfshirë një automjet.
“Si pasojë e aksidentit një person ka mbetur i vdekur dhe katër të tjerë janë lënduar. Vdekja e të miturës është konstatuar nga ekipi mjekësor në vendin e ngjarjes, ndërsa të lënduarit janë dërguar për tretman mjekësor”, tha Ahmeti.
Policia ka bërë të ditur se me rastin po merret njësiti i trafikut rajonal.