Sot në fshatin Astrazup të Malishevës, në rrugën Malishevë–Rahovec, ka ndodhur një aksident trafiku mes dy automjeteve.
Zëdhënësi i Policisë për rajonin e Gjakovës, Sheremet Elezaj, ka konfirmuar për Dukagjinin se në vendin e ngjarjes kanë dalë menjëherë njësitet policore dhe ekipi i ndihmës së shpejtë, ku personeli mjekësor ka konstatuar vdekjen e dy personave të rritur, një gruaje dhe një burri.
Dy persona të tjerë janë dërguar për trajtim mjekësor.
Në konsultim me Prokurorin e Shtetit, trupat e viktimave janë dërguar për ekzaminim mjeko-ligjor.
Ndërkohë, Njësia Rajonale e Komunikacionit Rrugor, në koordinim me prokurorin e shtetit, është duke ndërmarrë të gjitha veprimet e nevojshme hetimore për të zbardhur rrethanat e aksidentit.