Në raportin 24-orësh të Policisë së Kosovës është bërë e ditur se në Leposaviq është arrestuar një zyrtare e lartë komunale, e cila dyshohet se ka ushtruar dhunë fizike ndaj një qytetareje.
Sipas policisë, rasti ka ndodhur më 17 shtator 2025, rreth orës 11:45, brenda objektit të komunës. E dyshuara, zëvendës kryetare e komunës, dyshohet se ka sulmuar fizikisht viktimën femër kosovare, e cila kishte kërkuar një vendim lidhur me largimin e saj nga puna.
Pas ndërhyrjes së policisë, të dyja palët janë intervistuar. Me vendim të prokurorit, ato janë liruar, ndërsa rasti do të procedohet në mënyrë të rregullt.