Kandidati i deritanishëm i partisë Guxo, Ilir Poroshtica, është tërhequr nga gara për kryetar të Komunës së Gjilanit dhe ka deklaruar mbështetjen e tij për kandidatin e Lëvizjes Vetëvendosje, Alban Hyseni.
Lajmin e ka bërë të ditur vetë Hyseni, i cili përmes një postimi ka njoftuar se ditën e ka nisur me një kafe me Poroshticën, nga ku ka marrë edhe përkrahjen e tij për zgjedhjet e 12 tetorit.
“Nuk ka mënyrë më të mirë për ta nisur ditën sesa me këshillat e një miku të vjetër. Iliri, arkitekti i qytetit dhe shoku im që nga ditët e para të Lëvizjes, mbetet gjithmonë një frymëzim dhe zë i fuqishëm për ndryshim,” ka shkruar Hyseni.
Ky zhvillim shihet si një mbështetje e rëndësishme për kandidaturën e Alban Hysenit në garën për Gjilanin.