Max Verstappen i Red Bullit ka shënuar një fitore bindëse në Çmimin e Madh të Azerbajxhanit, duke u rikthyer seriozisht në garën për titullin e Formula 1.
Holandezi dominoi pistën e Bakusë të dielën, ndonëse në renditjen e përgjithshme mbetet 69 pikë prapa liderit Oscar Piastri. Piloti australian i McLarenit u përplas që në fillim të garës dhe nuk arriti të përfundonte.
Pas Verstappenit, i dyti doli George Russell me Mercedes, ndërsa podiumin e plotësoi Carlos Sainz i Ferrarit.
Një tjetër garë e mirë u zhvillua edhe për Lando Norris, i cili përfundoi i shtati dhe tashmë i është afruar kreut të renditjes me 25 pikë diferencë.
Në kalendarin e Formula 1 kanë mbetur edhe shtatë gara për t’u zhvilluar, çka paralajmëron një fund-sezoni shumë të nxehtë.