Në Pikën Kufitare në Vermicë, Dogana e Kosovës ka ndaluar një tentativë për shmangie të obligimeve doganore.
Gjatë kontrolleve të rregullta, një udhëtar kishte deklaruar se nuk kishte mallra për të deklaruar, por gjatë kontrollit të detajuar u zbuluan 153 pako me pluhur kolagjeni (200 gram secila) në bagazhin e tij, pa faturë apo dokumentacion përcjellës.
Malli është ndaluar përkohësisht deri në përfundimin e procedurave të mëtejshme, ndërsa ndaj udhëtarit është inicuar procedurë për kundërvajtje doganore, sipas nenit 244 të Kodit Doganor dhe të Akcizës së Kosovës.
Dogana e Kosovës thekson se do të vazhdojë angazhimin e saj për parandalimin e kontrabandës, mbrojtjen e ekonomisë dhe kontrollin ligjor të mallrave që hyjnë në vend.