Kanë nisur homazhet në Pallatin e Kongreseve, në nderim të ish-kryeministrit dhe liderit historik të Partisë Socialiste në Shqipëri, Fatos Nano.
Po ashtu bëhet me dije se të pranishëm janë familjarë të Fatos Nanos, mes tyre bashkëshortja e tij, Xhoana Nano, djali Sokoli dhe ish-bashkëshortja Rexhina.
Homazhet publike kanë nisur që prej orës 8:30 të mëngjesit të sotëm. Më pas nga ora 11:15-11:45 do të zhvillohen homazhet e personaliteteve shtetërore dhe të trupit diplomatik.
Një pjesëtar i familjes së Nanos do të mbajë një fjalim. Gjithashtu fjalim mësohet se do të mbajë edhe kryeministri Edi Rama, shkruan A2 CNN.
Në respekt për kontributin e tij në jetën publike dhe politike të vendit, 2 nëntori është shpallur edhe ditë zie kombëtare.
Të gjithë flamujt në institucionet shtetërore do të ulen në gjysmë shtizë dhe në orën 12:00 do të ndalojë çdo aktivitet për të mbajtur një minutë heshtje.