Policia e Kosovës ka arrestuar dy persona të dyshuar për përfshirje në një rrahje që ka ndodhur të dielën mbrëma në një lokal në rrugën “Nënë Tereza” në Istog.
Sipas njoftimit të Policisë, incidenti ka ndodhur rreth orës 18:50, ndërsa njësitë policore kanë reaguar menjëherë duke dalë në vendngjarje dhe arrestuar të dyshuarit.
Në këtë përleshje është lënduar një person, i cili fillimisht është dërguar në Qendrën e Mjekësisë Familjare në Istog, e më pas në Spitalin Rajonal të Pejës për trajtim të mëtejmë mjekësor.
Pas intervistimit, me urdhër të Prokurorit të Shtetit, të dyshuarit janë dërguar në mbajtje për 48 orë, ndërsa hetimet për rastin po vazhdojnë.