Policia e Kosovës ka bërë publike statistikat e 24 orëve të fundit, ku theksohet se është regjistruar një aksident trafiku me fatalitet, ndërsa janë raportuar gjithsej 25 aksidente me të lënduar dhe 55 aksidente me dëme materiale.
Gjatë kësaj periudhe, njësitë policore kanë shqiptuar 1,891 tiketa trafiku në të gjithë vendin.
Sa i përket veprimeve operative, 23 persona janë arrestuar, 12 janë dërguar në mbajtje, ndërsa 4 persona janë dërguar për vuajtje të dënimit. Sipas raportit, nuk është regjistruar asnjë rast ndalimi policor.
Policia e Kosovës ka theksuar se aktivitetet dhe kontrollet në trafik do të vazhdojnë edhe në ditët në vijim, me qëllim të parandalimit të aksidenteve dhe rritjes së sigurisë në rrugë.