Përballja mes Ballkanit dhe Zalgirisit ka përfunduar me rezultat të barabartë, 1-1 në kuadër të raundit të parë kualifikues të Ligës së Kampionëve.
Kampionët e Kosovës e nisën shumë mirë ndeshjen duke rrezikuar që në start me dy raste.
Goli i epërsisë për Ballkanin nuk u vonua shumë, golashënuesi Nazmi Gripshi me një goditje shumë të bukur nga distanca arriti të shënojë për rezultatin 1-0.
Lojtarët, Ermal Krasniqi dhe Albin Berisha kishin raste ideale, por që nuk arritën të shënonin.
25' | First shot and it's a goal for Žalgiris.
🟠 Ballkani – 1
🟢 Žalgiris – [1]
⚽ Buff#UCL pic.twitter.com/0NOCy7Gcwn— Dardanian Footy 🇽🇰 (@DardanianFooty) July 5, 2022
Në anën tjetër mysafirët u mbrojtën në fillimin e kësaj pjesëloje, por në rastin e parë që dolën para, arritën të shënonin.
Zhvillohej minuta e 25-të, kur Zalgiris fioi një rivënie këndi, ku pas harkimit Olivier Buff u gjend më së miri dhe shënoi për të barazuar rezultatin 1-1.
Edhe pasi e pranoi golin, Ballkani kishte rast për të kaluar tutje, por goditjet e Gripshit dhe Armend Thaqit nuk ishin të sakta.
Pjesa e parë u mbyll me rezultat të barabartë 1-1.
Ndërsa, në fillimin e pjesës së dytë Ermal Krasniqi tenton ta befasojë portierin mysafir, por pa sukses.
Në minutën e 55-të, Krasniqi sulmoi sërish, kësaj radhe i vetëm me portierin, por gjuajtja e tij shkon në trup të Edvinas Gertmonas.
Ballkani edhe në minutat në vijim ishte shumë afër golit fitues, por në metrat e fundit iu mungonte saktësia.
Albion Rrahmani në fund ka mundur ta dërgojë Ballkanin në ndeshjen e dytë me epërsi, por u rrëzua para zonës në një rast ideal.
Ndeshja e radhës do të zhvillohet pas një jave në Lituani. Kjo lojë do të jetë vendimtare për të dyja ekipet.
Ballkani pritet të shkruajë histori në ndeshjen me Zalgirisin