Kryesuesi i Komisionit Qendror të Zgjedhjeve (KQZ), Kreshnik Radoniqi, ka bërë të ditur se procesi i balotazhit të dielën në 18 komunat ka kaluar qetësisht, pa incidente që të rrezikonin integritetin e zgjedhjeve.
Sipas të dhënave të KQZ-së, me 99.69% të vendvotimeve të procesuara, pjesëmarrja në votime ishte 32.80%, krahasuar me 38.91% në raundin e parë më 12 tetor.
Radoniqi ka njoftuar se së shpejti do të publikohen rezultatet preliminare, ndërsa ka nisur edhe afati 48-orësh për dorëzimin e ankesave nga palët e pakënaqura në Panelin Zgjedhor për Ankesa dhe Parashtresa.