Një ngjarje tronditëse ka ndodhur mesditën e së martës pranë Aeroportit të Rinasit, ku një person ka mbetur i vrarë dhe një tjetër është plagosur si pasojë e një atentati me armë zjarri.
Sipas të dhënave paraprake, autorët kanë qëlluar nga një automjet në lëvizje në drejtim të një makine tjetër ku ndodheshin viktima dhe i plagosuri.
Pas sulmit, automjeti i të dyshuarve është larguar me shpejtësi nga vendngjarja.
Pamjet e siguruara nga vendi i ngjarjes tregojnë momente dramatike, ku qytetarët kanë tentuar të thyejnë xhamat e makinës për të ndihmuar viktimat e sulmit.
Policia ndodhet në vendin e ngjarjes dhe po punon për identifikimin e autorëve si dhe zbardhjen e motiveve të atentatit.