Kosova dhe Zvicra barazuan 1:1 në ndeshjen e zhvilluar të martën mbrëma në stadiumin “Fadil Vokrri”, duke ruajtur pozitat e tyre në tabelë para përfundimit të fazës kualifikuese.
Siç pritej, Zvicra siguroi kualifikimin direkt në Kampionatin Botëror të vitit të ardhshëm, ndërsa Kosova për herë të parë në histori do të luajë në plejofin për kualifikim në Botëror.
Zvicra kaloi e para në epërsi me Ruben Vargas, gol i shënuar në minutën e 47-të, ndërsa, Kosova barazoi rezultatin 1:1 me Florent Muslija, gol i shënuar në minutën e 74-t.