Presidenti ukrainas Volodymyr Zelensky thotë se “paralelisht me pistën diplomatike” të bisedimeve të sotme në Gjenevë, duhet të bëjnë gjithçka për të forcuar mbrojtjen kundër sulmeve të liga ruse.
Mesazhi vjen ndërsa ai njoftoi përfundimin e një misioni shpëtimi në Ternopil, në Ukrainën perëndimore, ku një sulm rus ndaj një ndërtese banimi vrau 33 persona dhe la gjashtë të zhdukur, shkruan BBC, transmeton Dukagjini.
“Gjatë gjithë javës, këto sulme nuk janë ndalur: janë përdorur më shumë se 1,050 dronë sulmues, pothuajse 1,000 bomba të drejtuara dhe më shumë se 60 raketa të llojeve të ndryshme”, shkruan Zelensky në një postim në mediat sociale.
“Është shumë e rëndësishme të përshpejtojmë zbatimin e të gjitha marrëveshjeve tona me partnerët mbi sistemet e mbrojtjes ajrore dhe raketat. Faleminderit të gjithëve që ndihmojnë në mbrojtjen e jetëve. Faleminderit të gjithëve që punojnë për paqen”, tha ai.
Plani për paqe, SHBA-të, Evropa dhe Ukraina negociojnë në Gjenevë