Sot, më 26 nëntor, rreth orës 13:30, Policia e Kosovës, përmes Drejtorisë për Bashkëpunim Ndërkombëtar Policor dhe njësitit të specializuar FAST, ka arrestuar një person me shtetësi të huaj, i kërkuar me urdhër arrest ndërkombëtar nga INTERPOL-i.
Sipas policisë, arrestimi u bë në koordinim me njësitë tjera relevante të Policisë së Kosovës.
Personi dyshohet për kryerjen e veprave penale që lidhen me shfrytëzim të miturve dhe privim të paligjshëm të lirisë.
Ai është dërguar për procedura të mëtejshme, ndërsa prokurori kujdestar i ka caktuar masën e ndalimit policor për 48 orë, duke vazhduar më pas me hapat ligjorë sipas marrëveshjeve ndërkombëtare për bashkëpunim policor.