Superylli francez, Kylian Mbappe shkëlqeu të mërkurën mbrëma, duke udhëhequr Real Madridin drejt fitores 4:3 në Greqi ndaj Olympiacosit, në kuadër të xhiros së pestë të Ligës së Kampionëve.
Mbappe shënoi të gjithë katër golat e Madridit.
Ai realizoi “hat-trickun” brenda vetëm shtatë minutave, nga minuta e 22-të deri në të 29-tën, ndërsa golin e katërt e shënoi në minutën e 60-të.
Për skuadrën greke shënuan Chiquinho (8’), Mehdi Taremi (52’) dhe Ayoub El Kaabi (81’).
Me këtë fitore, Real Madrid shënon të katërtën në Ligën e Kampionëve dhe me 12 pikë zë vendin e pestë në tabelë.