Numri i viktimave nga zjarri i madh që përfshiu një kompleks të lartë banesash publike në Hong Kong ka arritur në 65, ndërsa afro 300 persona raportohen ende të zhdukur.
Zjarri shkatërroi shtatë nga tetë blloqet e kompleksit në lagjen Tai Po, të mërkurën.
Autoritetet njoftuan se flakët janë në thelb nën kontroll, por operacionet e kërkim–shpëtimit po vazhdojnë.
Kompleksi banon rreth 4,600 persona sipas të dhënave të fundit të regjistrimit, por ende nuk dihet saktësisht sa banorë ndodheshin brenda në momentin kur shpërtheu zjarri.
Ndërkohë, po shtohen pyetjet mbi shkakun e flakës dhe përgjegjësinë për tragjedinë. Policia ka deklaruar se rrjetat dhe mbulesat plastike në fasadën e ndërtesës nuk i rezistonin zjarrit dhe mund të kenë ndihmuar në përhapjen e shpejtë të tij.
Tre drejtues kompanish ndërtimi janë arrestuar nën dyshimin për vrasje të paqëllimshme, ndërsa autoritetet kanë hapur edhe një hetim për korrupsion të mundshëm lidhur me materialet e përdorura gjatë punimeve.
Zjarr në ndërtesat në Hong Kong, 55 të vdekur dhe qindra njerëz të zhdukur