Policia e Kosovës ka dhënë detaje lidhur me incidentin e së shtunës në Fushë Kosovë, ku mbeti i plagosur një person.
Siç bëhet e ditur në raportin 24-orësh të policisë, rasti po hetohet si vrasje në tentativë teksa rasti nisi derisa viktima ka qenë duke u kyçur në komunikacion nga semafori dhe për shkak se nuk i ka dhënë përparësi kalimi, i dyshuari ka shtënë me armë zjarri në tokë, e pastaj plumbi e ka godit në këmbë viktimën.
I dyshuari ka ikur nga vendi i ngjarjes ndërkaq viktima ka marrë tretman mjekësor.
“Është raportuar se derisa viktima ka qenë në semaforët për kyçje dhe shkak që nuk i ka dhënë përparësi kalimi, një i dyshuar ka dalë nga vetura e tipit Audi A 3 dhe duke e ofenduar verbalisht e ka shtënë me armë zjarri në tokë ku plumbi e ka goditur në këmbë. I dyshuari është larguar në drejtim të panjohur. Viktima ka pranuar tretman mjekësor ndërsa në vend ngjarje është gjetur dhe konfiskuar predha dhe gëzhoja. Rasti në ndodhet në procedurë hetimore”, thuhet në njoftim.
Plagoset me armë zjarri një person në Fushë Kosovë, policia nis hetimet