Policia e Kosovës ka bërë të ditur se një grua është zhdukur në Prishtinë.
Në raportin 24-orësh të policisë thuhet se një burrë ka raportuar se motra e tij, ka ardhur me autobus nga një shtet tjetër dhe ka zbritur në stacionin e autobusëve në Prishtinë, njofton Dukagjini.
Siç raporton ai që nga ajo ditë i kanë humbur lidhjet dhe nuk di asgjë për vendndodhjen e saj.
“Stacioni i Autobusëve, Prishtinë/ 27.11.2025. Me 29.11.2025 ankuesi ka raportuar se motra e tij ka ardhur me autobus nga një shtet tjetër dhe ka zbritur në Prishtinë. Nga ai moment i kanë humbur lidhjet me viktimën dhe nuk kanë njohuri për vend ndodhjen e saj. Rasti në procedurë hetimore”, thuhet në raportin 24-orësh të Policisë.