Liverpooli më në fund ka gjetur një rreze drite pas serisë së rezultateve zhgënjyese, duke marrë një fitore në udhëtim te West Ham.
Pas gjashtë humbjeve në shtatë ndeshjet e fundit në Premier League dhe një periudhe të zymtë në të gjitha garat, skuadra e Arne Slot reagoi fuqishëm, duke triumfuar me rezultat 2-0.
Ishte një ndeshje e ngarkuar me presion për “The Reds”, të cilët kishin ardhur nga humbja e rëndë 4-1 ndaj PSV-së në Ligën e Kampionëve. Por këtë herë, Liverpooli shfaqi fytyrën që i kishte munguar javëve të fundit.
Goli i parë erdhi nga Alexander Isak në minutën e 60-të, dhe më vonë, Cody Gakpo vulosi fitoren në minutat shtesë të pjesës së dytë.
West Hami, që ishte në një moment të mirë me tre ndeshje pa humbje dhe fitore ndaj Newcastle e Burnley, nuk arriti të gjejë të njëjtin ritëm përballë Liverpoolit.