Pagesa më të larta se sa sasia reale e prodhimit dhe pagesa më të larta në favor të prodhuesve duke tejkaluar periudhën testuese, janë identifikuar në raportin e
Auditimi i publikuar rishtazi, por që përfshin periudhën 2017-2024, dëshmon shkeljet nga Operatori i Sistemit, Transmisionit dhe Tregut në menaxhimin e Fondit milionësh.
Në një rast, në vend se të paguheshin 127 mijë euro për energjinë e prodhuar në periudhën testuese u paguan 343 mijë euro.
Përkundër që rregulla parasheh që pagesa për periudhën testuese të prodhimit të bëhet maksimalisht për 30 ditë, testimi zgjati 48 ditë, dhe llogaritja u bë në 30-ditshin e fundit kur prodhimi ishte më i lartë.
“Energjia e prodhuar në 30 ditët e para të testimit ishte shumë më e ulët, në sasi totale prej 2,320 megavat orë. Nëse KOSTT do të kishte bërë pagesën duke llogaritur 30 ditët e para kur ka filluar testimi nga data 23 gusht deri më 23 shtator 2018 pagesa totale që KOSTT do të paguante për energji testuese do të ishte 127 mijë euro, pra afërsisht 236 mijë euro më e ulët”.
Duke e konstatuar mangësi në marrëveshjen ndërmjet KOSTT-it dhe prodhuesit, të cilit nuk i përmendet emri, ZKA-ja tha se mos-qartësimi i ditës kur nis llogaritja mundësoi përfitime financiare në interes të prodhuesit.
Në një rast tjetër të evidentuar nga auditori, po ashtu gjatë fazës testuese, është regjistruar sasi prodhimi afër 2400 megavatë orë më shumë se sa sasia e gjeneruar.
“Operatori i Sistemit (OS) në kuadër të KOSTT ka regjistruar matjet dhe sipas tij ky prodhues ka prodhuar 5,132 megavatë orë gjatë testimit (22 tetor deri më 17 nëntor 2021). Ndërsa për të njëjtën periudhë, Operatori i Tregut (OT), gjithashtu në kuadër të KOSTT, këtij prodhuesi i kishte llogaritur 7,504 megavatë orë”.
Raporti përmend edhe raste tjera specifike të pagesave më të larta se sa vlera reale e prodhimit, por në shumë më të vogla si për shembull, 5300 euro.
Në përfundime, mes tjerash, ZKA-ja thekson mos-respektimin e kritereve për fazën testuese, mospërputhje të matjeve dhe faturave të lëshuara, e po ashtu pagesa pa u bazuar në datat e planifikuara të testimit, gjëra që kanë ndikuar në humbje financiare të Fondit për Burime të Ripërtërishme./TVDukagjini