Policia e Kosovës ka konfirmuar rastin për përleshjen fizike mes trajnerit Tahir Batatina dhe gjyqtarit Egzon Dakaj, e cila dyshohet se ka ndodhur pas ndeshjes Gjilani – Llapi, e zhvilluar në Veternik.
Në përgjigjen për Dukagjinin, Policia ka bërë të ditur se rasti tashmë është paraqitur dhe, në koordinim me Prokurorin e Shtetit, është iniciuar procedura për veprën penale “Sulm”.
“Lidhur me pyetjet tuaja, ju njoftojmë se rasti është paraqitur në Policinë e Kosovës dhe në koordinim me Prokurorin e Shtetit është iniciuar rasti ‘Sulm’. Hetuesit në koordinim me Prokurorinë po ndërmarrin veprimet e nevojshme për sqarimin e plotë të rrethanave të rastit”, thuhet në përgjigjen e Policisë.