Dogana e Kosovës ka bërë të ditur se gjatë kontrolleve të rregullta te Dheu i Bardhë, është paraqitur një ngarkesë mallrash, ku gjatë ekzaminimit zyrtarët doganorë kanë hasur në mallra të padeklaruara.
Siç bëhet e ditur në njoftim, malli i konstatuar përfshin pjesë të përdorura për automjete, të futura pa u deklaruar sipas procedurave ligjore doganore, njofton Dukagjini.
Pas verifikimit të mallit, vlera e tij arrin shumën rreth 4,000 euro.
Mallrat janë ndaluar, ndërsa ndaj palës përgjegjëse është inicuar procedurë për kundërvajtje doganore, në bazë të nenit 244 të Kodit Doganor dhe të Akcizës së Kosovës.