Një gjykatë në Paris ka refuzuar kërkesën e qeverisë franceze për pezullimin e përkohshëm të faqes së internetit të kompanisë së modës Shein, e ngritur pas zbulimit të shitjes së kukullave seksuale me pamje fëminore në platformën e saj.
Gjykata vlerësoi se masa e propozuar, një pezullim tremujor i faqes, ishte joproporcionale, por njëkohësisht vendosi që për shitjen e produkteve për të rritur të zbatohet verifikimi i detyrueshëm i moshës.
Sipas vendimit, çdo shkelje e kësaj mase do të ndëshkohet me një gjobë prej 10 mijë eurosh.
Procedura ligjore ndaj Shein u iniciua pasi autoriteti francez për mbrojtjen e konsumatorit, muajin e kaluar, e referoi çështjen tek organet kompetente për shkak të shitjes së ashtuquajtura “kukulla seksi me pamje fëminore”.
Nga ana e saj, Shein deklaroi se mbrojtja e konsumatorëve francezë mbetet prioritet kryesor.
Pas reagimeve dhe polemikave fillestare, kompania njoftoi gjithashtu se ka vendosur të ndalojë shitjen e të gjitha kukullave të seksit në platformën e saj në nivel global.