Komisioni Qendror i Zgjedhjeve (KQZ) ka vendosur që qytetarët e Kosovës të mund të votojnë në përfaqësitë diplomatike edhe me dokumente identifikimi të skaduara gjatë zgjedhjeve të 28 dhjetorit.
Sipas vendimit të marrë në mbledhjen e mërkurës, më 27 dhjetor, qytetarët e regjistruar paraprakisht për të votuar fizikisht jashtë vendit do të mund të identifikohen me letërnjoftim, pasaportë ose leje të vozitjes, të gjitha të lëshuara nga Republika e Kosovës, pavarësisht nëse kanë kaluar afatin e vlefshmërisë.
Ky vendim erdhi pas rasteve të regjistruara në zgjedhjet e shkurtit, ku disa votues u paraqitën me dokumente të skaduara.